Прашања и одговори
Ако одговорот не е тука, јавете се во Општината.
Најава и пријава
Ми треба ли лозинка?
Не. Внесувате е-пошта и добивате код од 6 цифри. Кодот важи 10 минути и се користи еднаш.
Не ми стигна кодот.
Проверете ја непосакуваната пошта (spam). По 30 секунди можете да побарате нов код; претходниот повеќе не важи.
Можам ли да се пријавам за повеќе локации?
Да. За секоја локација се поднесува посебна пријава и се уплатува посебен депозит. Личната карта и изјавите не мора да ги прикачувате повторно: системот ви ги нуди од претходната пријава.
Документот ми е на две страници.
Сликајте ги двете страници и изберете ги двете слики одеднаш. Системот ги спојува во еден PDF.
Комисијата ја врати пријавата на дополнување. Што сега?
Во пријавата се означени документите што треба да се заменат и зошто. Заменете ги и поднесете ја повторно до рокот за пријави.
Депозит
Колку е депозитот и каде се уплатува?
Износот и сметката се во огласот и на страницата на секоја локација, со копчиња за копирање. Во целта на дознаката наведете ја локацијата.
Кога ми се враќа депозитот?
Ако не сте најповолен понудувач, депозитот се враќа на сметката од која е уплатен. Ако склучите договор, се пресметува во цената. Ако како најповолен понудувач не склучите договор во рокот, депозитот се задржува.
Наддавање
Како изгледа наддавањето?
Трае 5 минути и почнува од почетната цена. Секоја понуда е повисока за најмалку еден чекор. Понуда во последните 2 минути го продолжува наддавањето за уште 2 минути. Можете да го пробате на пробното наддавање.
Дали другите го гледаат моето име?
Не. Во наддавањето сите се прикажуваат само со петцифрена шифра, на пр. „Понудувач 48213“. Идентитетот го знае само комисијата.
Што ако ми падне интернетот за време на наддавањето?
Наддавањето продолжува. Кога врската ќе се врати, страницата сама ја прикажува тековната состојба. Важат понудите што серверот ги примил. Пред почетокот проверете ја врската и наполнете го телефонот.
Што ако сум единствен понудувач?
Најповолен сте ако ја наддадете почетната цена, според правилата во огласот.
По наддавањето
Не се согласувам со постапката.
Можете да поднесете приговор од страницата на пријавата, во рокот што е наведен таму (3 дена по наддавањето). Комисијата одлучува и ве известува по е-пошта.
Кога се потпишува договорот?
Ако сте најповолен понудувач, Општината ве повикува да го потпишете договорот во рокот од огласот. Записникот и известувањето за избор се во вашата пријава.